Qaraǵandyda elordalyq jasóspirimderdi tonaǵan reseılik azamat ustaldy
ASTANA. QazAqparat - Elordalyq polıtseıler qala aýmaǵynda tonaýshylyq jasaǵan Reseı Federatsııasynyń 32 jastaǵy azamatyn izin sýytpaı Qaraǵandyda ustady, dep habarlaıdy Astana qalalyq ІІD-niń baspasóz qyzmetinen.
Ustalǵan azamat qylmysyn jasaǵan soń, qylmystyq qýdalaý organdarynan jasyryný jáne urlaǵan uıaly telefondardy Qaraǵandy aýmaǵynda satý maqsatymen sol qalaǵa ketkeni anyqtaldy.
Atalǵan fakti QR QK-niń 191-babynyń 1-bólimi boıynsha sot aldyndaǵy tergeýdiń biryńǵaı tizilimine tirkelgen. Tergeý amaldary júrgizilýde. Ustalǵan azamat Astana qalalyq ІІD-niń ýaqytsha ustaý abaqtysyna qamaldy.
Ustalǵan azamattyń osyǵan uqsas basqa qylmystarǵa qatysy tekserilýde.
