Qaraǵandyda elden shyǵarylatyn 13 sheteldik shekaraǵa deıin jetkizildi
QARAǴANDY. QazAqparat - Qaraǵandydan kóshi-qon zańyn buzǵan 13 sheteldikti, Tájikstan jáne Ózbekstan azamattaryn elden shyǵaryp jiberdi, dep habarlady QazAqparat.
«2016 jyly Qaraǵandy oblysynyń sottary 359 shetel azamatyn kóshi-qon zańyn buzǵandary úshin QR aýmaǵynan shyǵarý jóninde úkim shyǵardy. Olardyń 315 óz erkimen elden ketti, al 44 sot sheshimin elemedi. 13-in tártip saqshylary ustady. Búgin olardy elden shyǵarý boıynsha sharalardy júrgizip jatyrmyz», - dedi Qaraǵandy oblysy boıynsha ІІD basshysynyń orynbasary Berikbol Qasenov.
Ol 13 sheteldiktiń 7-ýi Tájikstan, 6-ýy Ózbekstan azamaty ekenin aıtty.
«Tájikstan azamattary negizinen bazarda jumys istegen. Olar aıaq-kıim satty. Sonymen qatar qurylys alańdarynda jumys istedi», - dep atap ótti B. Qasenov.
Onyń sózine qaraǵanda, vedomstvolyq avtobýspen olardy Ózbekstanmen shekaraǵa OQO-daǵy Saryaǵash aýdanyndaǵy beketke deıin jetkizedi. Jolǵa olarmen birge kóshi-qon polıtsııasy basqarmasynyń jáne arnaıy jedel áreket etý jasaǵynyń qyzmetkeri attanady.
