Qaraǵandyda «Elbasy joly» kınoepopeıasynyń jalǵasy túsirilýde (FOTOREPORTAJ)
QARAǴANDY. QazAqparat - Qaraǵandyda «Elbasy joly» kınoepopeıasynyń jalǵasy - «Juldyzdar osylaı janǵan edi» kórkem fılminiń túsirilimi júrip jatyr.
Kartınaǵa 1984-1991 jyldar aralyǵyndaǵy kezeń arqaý bolǵan.
Kenshilerdiń mádenıet saraıynyń aldy túsirilim alańyna aınaldy. Munda myńnan astam adam, reseılik jáne qazaqstandyq akterler jınaldy. Stsenarıı boıynsha 1989 jylǵy shahterlerdiń ereýili túsirilmek.
Túsirilimge «Brejnev», «Belaıa gvardııa», «Pohoronıte menıa za plıntýsom», «Kontrıbýtsııa», «Tsvety kalendýly», «Belaıa gvardııa», «V dvıjenıı», «Prıbytıe poezda» fılmderimen tanymal bolǵan reseılik rejısser Sergeı Snejkın jetekshilik etedi.
Basty róldi 36 jastaǵy qazaqstandyq akter Berik Aıtjanov somdaıdy..
Kartına Táýelsizdik kúni merekesine oraı prokatqa shyǵýy tıis.
Aıta keteıik, Elbasynyń ómiri jaıyndaǵy kınoepopeıanyń tórtinshi bólimi ótken jyldyń jeltoqsanynda kórsetildi. Oǵan deıingileri «Balalyq shaǵymnyń aspany», «Otty ózen» jáne «Temirtaý» dep atalǵan bolatyn. Elbasynyń rolin qazaqtandyq akter ári ánshi Nurlan Álimjan somdaǵan edi.
