Qaraǵandyda eksperımenttik spektaklderdiń teatrlyq festıvali ótýde

Bul sharanyń bastamashysy -Qazaqstan  Teatr qaıratkerleriniń odaǵy. Festıval Qaraǵandynyń S.Seıfýllın atyndaǵy oblystyq qazaq drama teatrynyń 80 jyldyǵyna arnalǵan.

 Festıval ashylýynyń saltanatty rásimi juma kúni keshke mereıtoı ıesi atanǵan teatrdyń sahnasynda ótti. Úsh kúnniń ishinde qaraǵandylyqtar nazaryna 9 tájirıbelik spektakl usynylady. Festıvalǵa eldiń 7 teatrlyq ujymy qatysýda.

«Festıvaldiń negizgi mindeti - rejısserlik jáne akterlik óner, sahna jáne plastıka salasyndaǵy jańalyqtardy anyqtaý, sondaı-aq aımaqtyq teatrlyq ujymdarda júzege asyrylǵan tájirıbelik spektaklderdiń kórkemdik deńgeıin anyqtaý jáne jańa teatrlyq izdeýlerdi nasıhattaý», - dep atap ótedi uıymdastyrýshylary.

Festıval aıasynda Qazaqstannyń jáne sheteldiń jetekshi teatr qaıratkerleri ózderiniń sheberlik sabaqtaryn ótkizedi.

«Bul festıval teatr rejısserleriniń jańa sańlaqtar tobyn izdeýdi kórsetý, jastarǵa ózderiniń aıqyndamalaryn kórsetý múmkindigin beredi. Meniń oıymsha, rejıssýrada qandaı ótkir máseleler bar ekeni týraly kásibı áńgimelesý aspektisi óte mańyzdy. Osy festıvalmen úlken úmitterimizdi baılanystyramyz», - dep atap ótti QR eńbegi sińgen qaıratkeri, T.Júrgenov atyndaǵy Qazaq óner akademııasynyń professory Sánııa Qabdıeva.

Qazaqstan jańa teatrdy ashýǵa nıetti, dep esepteıdi festıvalǵa Qyrǵyzstannan kelgen bul eldiń eńbegi sińgen qaıratkeri, teatr rejısseri Nurlan Ábdiqadyrov. «Qazaqstandyq teatrda ónerli adamdar jetkilikti. Qazir de avangardtyq baǵytty júzege asyryp otyrǵan «pıonerlerdiń» tolyq jasaǵy paıda boldy. Ózara baıytý sáti bolýy tıis. Bul - erteńgi kúnniń tabysyna aparatyn jol», - dep bólisti pikirimen kórshi elden kelgen qonaq.

Festıval qorytyndylary boıynsha «Úzdik spektakl», «Úzdik rejısserlik jumys», «Úzdik aktrısa», «Úzdik akter», «Úzdik sýretshi», «Úzdik debıýt» atalymdaryndaǵy jeńimpazdar anyqtaldy. Qazylar alqasyna Qazaqstan Teatr qaıratkerleri odaǵynyń tóraǵasy, QR halyq ártisi, Memlekettik syılyqtyń ıegeri, professor Tuńǵyshbaı Jamanqulov basqarýshylyq etýde. Qazylar alqasynyń quramynda - eldegi teatr óneriniń jetekshi sheberleri Bolat Atabaev, Tilektes Meıramov, Sánııa Qabdıeva, sondaı-aq Reseı jáne Qyrǵystannan kelgen áriptester bar.

Festıvaldiń jabylýy men jeńimpazdardy marapattaý rásimi 27 mamyr kúni S.Seıfýllın atyndaǵy Qaraǵandy oblystyq qazaq drama teatrynda ótedi.