Qaraǵandyda eki júz jer telimi jeke turǵyn úı salýǵa beriletin boldy
ASTANA. QazAqparat - Qaraǵandynyń «Kúngeı» shaǵyn aýdanynda jeltoqsanda eki júz jer telimi jeke turǵyn úı salýǵa berile bastaıdy. Bolashaq qurylys oryndarynyń barlyq qajetti kommýnıkatsııalary júrgizilgen, dep habarlaıdy oblystyq ákimdiktiń baspasóz qyzmeti.
Bul aýdandaǵy basqa da bos jer telimderine elektr jáne káriz jelileri tartylmaǵan. Ol úshin qazirgi tańda jobalyq-smetalyq qujattama daıyndalyp jatyr. Jumystar aıaqtaǵan soń jer telimderi kezekte turǵandarǵa taratyla bastaıdy.
Qaraǵandy oblysynyń ákimi Erlan Qoshanov basqa qalalarmen salystyrǵanda Qaraǵandyda jeke turǵyn úı qurylysyna arnalǵan jer telimderi az beriletini týraly surady.
«Barlyq jer telimderi, onyń ishinde «Nurly Jer» baǵdarlamasy boıynsha beriletin 260 ýchaskeler anyqtalǵan, - dedi Qaraǵandy qalasynyń ákimi Nurlan Áýbákirov. - Biraq olardyń kóbisine kommýnıkatsııalar ótkizilmegen, sáıkesinshe biz olardy jeke turǵyn úı qurylysyna bere almaımyz. Qazir biz qujattardy daıyndap, jer telimderine elektr jáne káriz júıelerin tartýdy josparlap jatyrmyz. Pılottyq rejımde biz tartylǵan kommýnıkatsııalary bar júz jer telimin tarattyq».
Barlyǵy Qaraǵandyda jeke turǵyn úı qurylysyna arnalǵan 5770 jer telimi beriledi. Kezekte 11 445 qaraǵandylyq tur. Bizdiń qalamyzda jeke qurylysqa arnalǵan jer telimderi olarǵa kommýnıkatsııalar tartylmaǵandyqtan 2007-shi jyldan beri berilmegen edi.
