Qaraǵandyda eki jigit 29 kóliktiń memlekettik tirkeý nómirin urlaǵan
QARAǴANDY. QazAqparat – Qaraǵandylyq polıtseıler shetel avtokólikteriniń memlekettik tirkeý nómirin urlaýmen aınalysqan urylardy quryqtady. Ustalǵandar osy sekildi 29 qylmys jasaǵanyn moıyndady, dep habarlaıdy QazAqparat tilshisi.
Sońǵy ýaqyttarda áleýmettik jeliler men aqparattyq agenttikterinde sheteldik avtokólik ıeleri belgisiz bireýlerdiń memlekettik tirkeý nómirlerin urlap, keıin qaıtarý úshin aqsha talap etkeni týraly shaǵymdar jarııalanǵan bolatyn. Barlyq oqıǵalar Qaraǵandy qalasynda túngi ýaqytta bolǵan.
Qaraǵandy oblystyq Polıtsııa departamenti basshylyǵy kúdikti tulǵalardy ustaý maqsatynda túngi jedel-izdestirý toptary qurylǵan bolatyn.
Urlyq faktilerine taldaý jasaý barysynda, polıtsııa qyzmetkerleri qylmystyń kóp bolatyn jeri Qaraǵandy qalasynyń Ońtústik-shyǵys aýmaǵy ekenin anyqtady. Sondyqtanda osy aýmaqqa basa nazar aýdarylyp jumystar atqaryldy. Kúndelikti keshendi is-sharalar atqarylyp, jasalǵan jumystardyń arqasynda polıtsııa qyzmetkerleri oń nátıjege qol jetkizdi.
«8 jeltoqsan kúni saǵat tańǵy 5.00 shamasynda Qaraǵandy qalalyq Polıtsııa basqarmasy Krımınaldyq polıtsııa qyzmetkerleri júrgizgen jedel izdestirý is-sharalary barysynda ıAzev kóshesinde ornalasqan úılerdiń aýlasynda turǵan kólikterdiń birinen tirkeý nómirin sheship jatqan 18 jáne 20 jastaǵy eki azamat ustaldy. Tekserý barysynda olardan 9 nómir tárkilenip alyndy. Sondaı-aq, ustalǵandar Qaraǵandy qalasynda avtokólikterden tirkeý nómirlerin urlaýdyń 29 faktisin moıyndady», - dedi Qaraǵandy oblystyq Polıtsııa departamentiniń bastyǵy, polıtsııa polkovnıgi Erlan Faızýllın.
Atalǵan fakti boıynsha Qazaqstan Respýblıkasy Qylmystyq kodeksiniń 194-baby 2-tarmaǵyna sáıkes qylmystyq is qozǵaldy. Qazirgi ýaqytta tergeý amaldary júrgizilýde.
