Qaraǵandyda eki jaıaý júrginshi kólik astyna túsip mert boldy
QARAǴANDY. 17 sáýir. QazAqparat - Qaraǵandyda «Toıota» kóliginiń 21 jastaǵy júrgizýshisi eki jaıaý júrginshini qaǵyp ketti, olar oqıǵa ornynda kóz jumdy.
Bul týraly Qaraǵandy oblysy ІІD-niń baspasóz qyzmetinen habarlandy.
Polıtsııanyń bergen aqparatyna sáıkes, jol-kólik apaty Qaraǵandynyń «Golýbye prýdy» shaǵynaýdanynda sáýirdiń 17-sine qaraǵan túni boldy.
«Toıotanyń» 21 jastaǵy júrgizýshisi joldan ótpek bolǵan 43 jasaty er adam men 33 jastaǵy áıeldi qaǵyp ketti. Jol-kólik apatynyń saldarynan eki júrginshi de oqıǵa ornynda kóz jumdy», -delingen oblystyq ІІD baspasóz qyzmetiniń habarlamasynda.
Ólimge ákelip soqtyrǵan jol-kólik apaty faktisi boıynsha qylmystyq is qozǵaldy. «Júrgizýshi ýaqytsha ustaý abaqtysyna qamaldy. Tergeý amaldary júrgizilýde», - delingen habarlamada.
