Qaraǵandyda eki zeınetker kólik astyna túsip, mert boldy
ASTANA. QazAqparat - Qaraǵandyda eki adamdy avtomobıl qaǵyp ketti. Olar oqıǵa ornynda kóz jumdy, dep habarlaıdy «QazAqparat» HAA tilshisi.
«Kóligimen artqa sheginbek bolǵan júrgizýshi eki jaıaý júrginshini qaǵyp ketti. Olar alǵan jaraqattary saldarynan oqıǵa ornynda mert boldy», - dep habarlaıdy Qaraǵandy oblystyq ІІD baspasóz qyzmetiniń jetekshisi Baqytjan Qudııarov.
Jol oqıǵasynan kóz jumǵandar zeınetkerler ekendigi aıtyldy. Atalǵan faktige baılanysty QR QK-niń 345-baby 4-bóligine sáıkes qylmystyq is qozǵalyp, tergeý jumystary júrgizilip jatyr.
