Qaraǵandyda eki myńǵa jýyq bala bıýdjet esebinen syrttaǵy lagerlerde demalady
ASTANA. QazAqparat - Bıylǵy jazda Qaraǵandyda eki myńǵa jýyq bala bıýdjet esebinen «Salıýt» saýyqtyrý ortalyǵynda demalady.
Ol úshin 43 mıllıon 485 myń teńge bólingen, dep habarlaıdy oblys ákimdiginiń resmı saıty .
«Salıýt» lagerinde 12 kúndik ekinshi maýsym aıaqtaldy. Osy aralyqta munda 841 bala tegin demaldy. 15-tamyzǵa deıin áli eki maýsym bar.
Qaraǵandy qalasynyń bilim bóliminiń málimetteri boıynsha, bıylǵy jazda qala syrtyndaǵy lagerlerde bıýdjet jáne ata-analdardyń qarjysy esebinen barlyǵy 19 myńnan astam qaraǵandylyq balalar demala alady.
Sondaı-aq, taǵy 50 myńǵa jýyq bala mektepishilik lagerlerde demalýda. Eger mektepte jóndeý jumystary júrip jatsa, onda oqýshylar jaqyn mańdaǵy mektepterdiń lagerlerine bara alady.
Aldyn ala esepteýler boıynsha, 30 myńnan astam bala demalys kezinde ózi men qorshaǵan orta úshin paıdaly istermen aınalysady. Olar jóndeý-qurylys komandalarynyń, qalany jasyldandyrý jasaqtarynyń, aýla klýbtarynyń qatarynda júr jáne túrli úıirmelerge qatysýda.
