Qaraǵandyda eki kámeletke tolmaǵan búldirshin terezeden qulap ketip, bireýi qaza tapty
QARAǴANDY. 11 sáýir. QazAqparat /Valentına Elızarova/ - Qaraǵandyda ótken táýlikte eki qaıǵyly oqıǵa tirkeldi,
keleńsiz jaǵdaı saldarynan eki jasar búldirshin qaza taýyp, úsh jasar bala zardap shekti. Bul týraly Qaraǵandy oblystyq ІІD baspasóz qyzmeti habarlap otyr.
Polıtsııa taratqan málimdemege súıensek, eki ul bala da terezeden baıqaýsyzda qulap ketken. Bir jaǵdaıda moskıtti tor jyrtylyp ketse, ekinshi jaǵdaıda bala tormen birge qulaǵan.
«Senbi, 9 sáýirde Qarbyshev kóshesiniń boıyndaǵy úıdiń jetinshi qabatyndaǵy páter terezesinen eki jasar bala qulap ketip, alǵan jaraqattarynan qaza tapty. Balanyń qamqorshysy 54 jastaǵy kempir eken», - delingen ІІD baspasóz qyzmeti taratqan aqparatta.
Osy sekildi oqıǵa 10 sáýir kúni Maıqudyq aýdanyndaǵy 18-shi yqshamaýdanda boldy. Polıtseılerdiń habarlaýynsha, ekinshi qabattaǵy páter terezesinen úsh jasar búldirshin qulap ketti. «Zardap shekken bala oblystyq balalar aýrýhanasyna jetkizildi. Qazir onyń jaǵdaıy qanaǵattanarlyqtaı», - dep habarlady ІІD baspasóz qyzmeti.
