Qaraǵandyda eki azamat májbúrli túrde karantınge jatqyzyldy
QARAǴANDY. QazAqparat – Qaraǵandyda eki turǵyn karantınge májbúrli túrde jatqyzyldy, dep habarlaıdy QazAqparat tilshisi oblystyń densaýlyq saqtaý basqarmasyna silteme jasaı otyryp.
16 naýryzda medıtsına qyzmetkerleri men polıtsııa qyzmetkerleri Qaraǵandy qalasynyń 2 turǵynyn karantındi gospıtalǵa májbúrlep jatqyzdy. Eki azamat karantın gospıtaline ornalastyryldy, onda dárigerler 14 kún boıy olardyń densaýlyq jaǵdaıyn únemi baqylap otyrady.
«Oblystyń barlyq turǵyndaryn koronavırýstyq ınfektsııaǵa qarsy kúreste azamattyq jaýapkershilik tanytýdy suraımyz. Arnaıy qyzmetterdi der kezinde habardar etý adamdardyń tizbegin toqtatýǵa jáne odan ári aýrýhanaǵa jatqyzýdan aman alyp qalýǵa kómektesedi. Úkimet qabyldaǵan erejelerdi ustana otyryp, biz ózimizdi ǵana emes, týystarymyzdy da, jaqyndarymyzdy da qorǵaýǵa tıispiz», - dedi densaýlyq saqtaý basqarmasy.
