Qaraǵandyda eki adamdy óltirgen kúdiktiler ustaldy

QARAǴANDY. QazAqparat – Búgin tańerteń Qaraǵandydaǵy jer úılerdiń birinen eki er adamnyń denesi tabyldy. Polıtseıler izin sýytpaı eki kúdiktini ustady, dep habarlaıdy QazAqparat tilshisi.

4 qarashada saǵat 11.30 shamasynda Qaraǵandyda jer úıdiń aýlasynda pyshaq jaraqaty bar eki er adamnyń máıiti tabyldy. Polıtseıler marqumdardyń biri 59 jastaǵy úı ıesi, ekinshisi – osy qurylysta jóndeý jumystaryn júrgizgen qurylys brıgadasynyń 72 jastaǵy brıgadıri ekenin anyqtady. Kýágerler kórsetkendeı, eki jumysshy jábirlenýshilerge pyshaq jaraqatyn salyp, aýladaǵy kólikti urlap, qashyp ketken.

«Tosqaýyl» operatsııasy jarııalandy. Qaskúnemder mingen kólik birden oblystyq polıtsııa departamentiniń beınebaqylaý kameralaryna tústi. Jedel kezekshi onyń qozǵalysyn qadaǵalap, barlyq aqparatty patrýldik polıtsııa ekıpajdaryna berdi. «Іzin sýytpaı» jedel áreket etý nátıjesinde Temirtaý qalas PB patrýldik polıtsııa batalonynyń qyzmetkerleri Qaraǵandy-Temirtaý avtojolynda urlanǵan kólik quralyn baıqaǵan. Olar kólikpen qashpaqshy bolǵan eki kúdiktini – 34 jáne 39 jastaǵy er adamdardy quryqtady. Ustalǵandar kinásin moıyndady. Qylmys quraly tárkilendi», - dep málimdedi Qaraǵandy oblysy PD bastyǵy Erlan Faızýllın.

QR QK 99-baby 2-bóligi boıynsha qylmystyq is qozǵaldy. Tergeý amaldary júrgizilýde. Qazirgi ýaqytta polıtsııa qyzmetkerleri bul oqıǵanyń sebepteri men mán-jaılaryn anyqtap jatyr.