Qaraǵandyda eki adam kólikpen birge sýǵa batyp kete jazdady
QARAǴANDY. QazAqparat – Qaraǵandyda kólikpen birge sýǵa batyp kete jazdaǵan eki adam qutqaryldy, dep habarlaıdy QazAqparat tilshisi.
6 qazanda saǵat 12: 26-da 112 pýltine «Qaraǵandy-Abaı» avtojolynda qutqarýshylardyń kómegi qajet ekendigi týraly habarlama kelip tústi. Jeńil avtokóliktiń júrgizýshisi rýldi basqara almaı, sýǵa túsip ketken. Kólikte 42 jastaǵy áıel men 16 jastaǵy qyz bolǵan.
«Shaqyrtý ornyna jedel jetken TJD bólimsheleri men QR UU №5451 áskerı bólimi adamdardy qutqaryp, sýdan avtokólikti shyǵaryp aldy. Olarǵa medıtsınalyq kómek qajet bolǵan joq», - dep habarlady Qaraǵandy oblysy TJD baspasóz qyzmeti.
