Qaraǵandyda eki adam ashyq qudyqqa qulap ketti
QARAǴANDY. QazAqparat - Qaraǵandyda eki adam ashyq qudyqqa qulap ketti, dep habarlaıdy «QazAqparat» HAA tilshisi.
Qaraǵandy oblystyq Tótenshe jaǵdaılar departamentiniń baspasóz qyzmetinen habarlaǵandaı, qutqarýshylardyń jedel áreketiniń arqasynda adamdar qudyqtyń túbinde jınalyp qalǵan kómirqyshqyl gazyna qatty ýlanbaǵan.
«Qaraǵandynyń Taýgúl shaǵynaýdanynda qudyqqa adamdardyń qulap ketkeni týraly habar tústi. Qaraǵandy oblysy boıynsha TJ departamenti jedel-qutqarý bóliminiń eki qutqarýshysy alpınıstik qural-jaraqtarmen jáne «Omega» eki dem alý apparatynyń kómegimen tómenge túsip, zardap shegýshilerdi shyǵaryp aldy», - dep habarlady óńirlik TJ deparatmentiniń baspasóz qyzmetinen.
Ýlanyp zardap shekkender aýrýhanaǵa jetkizildi. Qazirgi tańda qudyq qaı mekemeniń balansynda turǵany jáne ol nelikten ashyq bolǵany anyqtalýda.
