Qaraǵandyda egeýquıryqtarmen kúres sharasy boıynsha aýdan ákimine aıyppul salyndy
QARAǴANDY. QazAqparat - Qaraǵandyda kemirgishter jáne jándikterdiń kózin joıý boıynsha konkýrs rásimin durys júrgizbegen aýdan ákimi sotqa shaqyrtý aldy, dep habarlaıdy «QazAqparat» HAA tilshisi.
Qaraǵandy qalasy mamandandyrylǵan ákimshilik sotynyń habarlaýynsha, Oktıabr aýdanynyń ákimi Erjan Temirhanov deratızatsııa men dezınsektsııa boıynsha, ıaǵnı, kemirgishter men zııankesterdiń kózin joıý qyzmetterin kórsetýge konkýrs ótkizýde «Memlekettik satyp alýlar týraly» zańdy buzdy dep aıyptaldy.
Qyzmetterge tapsyrys berýshi yqtımal oryndaýshylardan kemirgishterdi joıý salasynda jumys tájirıbesin suraǵan. Al zań boıynsha, baıqaýǵa qatysýshylarǵa qosymsha talaptar artýǵa tyıym salynǵan.
Sot Oktıabr aýdanynyń ákimin jiberilgen quqyq buzýshylyqqa jaýapty dep tapty jáne oǵan 100 AEK-tiń 30 paıyzy kóleminde 158 myń 830 teńge aıyppul tóleýdi mindettedi.
