Qaraǵandyda egde tartqan áıel júrgizýshini uryp-soǵyp, kóligin búldirdi
QARAǴANDY. QazAqparat – Qaraǵandyda egde tartqan áıel júrgizýshini uryp-soǵyp, kóligin búldirdi. Onyń vıdeosyn birneshe saǵatta 25 myń adam kórgen, dep habarlaıdy QazAqparat tilshisi.
Oqys oqıǵa Qaraǵandynyń qaýyrt qıylystarynyń birinde bolǵan. Egde tartqan áıel baǵdarshamda turǵan kólikterdiń biriniń júrgizýshisin judyryqpen birneshe ret uryp, avtomobılin tepken. Ashýly kempirdiń bul áreketin kýágerlerdiń biri vıdeoǵa túsirip, áleýmettik jelige jarııalady.
Onyń vıdeosyn birneshe saǵatta 25 myń adam kórgen.
Kempirdiń ashýyna neniń sebep bolǵany ázirge belgisiz. Jábirlenýshi quqyq qorǵaý organdaryna júginbegen.
«Bul derek boıynsha eshkim polıtsııaǵa kelgen joq. Jelige taraǵan vıdeojazbany polıtseıler tekserip, áıeldiń tulǵasyn, bul áreketine ne sebep bolǵanyn anyqtaıdy», - dep málimdedi Qaraǵandy oblystyq polıtsııa departamentiniń baspasóz qyzmeti.
Eskertý: vıdeoda balaǵat sózder bar!
