Qaraǵandyda dzıýdodan erler men áıelder arasyndaǵy el chempıonaty ótedi
ALMATY. Qarashanyń 9-y. QazAqparat /Erlik Erjanuly/ - Qaraǵandyda qarashanyń 20-22-si kúnderi «Jastar» sport kesheninde dzıýdodan erler men áıelder arasyndaǵy Qazaqstan chempıonaty ótedi,
dep habarlaıdy QazAqparat Shtattaǵy ulttyq komandalar men sport rezervi dırektsııasyna silteme jasap.
Jarystyń alǵashqy kúni erler arasynda - 4 (81, 90, 100 ben 100 keliden joǵary), áıelder arasynda 3 (70, 78 jáne 78 keliden joǵary) salmaq dárejesinegi jeńimpazdar anyqtalady. Kelesi kúni erlerden - 2 ( 57, 66 keli), áıelderden - 3 ( 52, 57, 73 kg) salmaqtaǵy balýandardy marapattaý rásimi ótedi. Chempıonattyń aqyrǵy kúni erler (60 jáne absolıýtti salmaq dárejesi) men áıelder (48 jáne absolıýtti salmaq dárejesi) arasyndaǵy aqyrǵy eki salmaqtaǵy jeńimpazdar anyqtalady.
Chempıonat qarsańynda, qarashanyń 18-i kúni kenshiler qalasynda bapkerler men tóreshilerdiń keńeıtilgen teorııalyq jáne tájirıbelik semınarlary ótedi. Bul sharalar odan keıin respýblıkalyq dzıýdo federatsııasynyń konferentsııasyna ulaspaq.
