Qaraǵandyda djıý-djıtsýdan respýblıkalyq týrnırge myńnan astam sportshy qatysýda
QARAǴANDY. QazAqparat – Serik Sápıev atyndaǵy boks ortalyǵynda djıý-djıtsýdan KARAGANDA BJJ OPEN 2022 respýblıkalyq týrnıri bastaldy. Jarys úsh kún boıy ótedi, dep habarlaıdy QazAqparat tilshisi.
Chempıonatqa 5 jastan bastap balalar, eresekter men ardagerler qatysady. 74 klýbtan myńnan astam sportshy tirkeldi. Olardyń arasynda Reseı, Ázirbaıjan jáne Germanııa ókilderi bar.
Jarys eń jas jaýyngerlerdiń ónerinen bastaldy. Qazirdiń ózinde Qaraǵandynyń qorjynynda tórt medal, onyń ishinde úsh altyn bar.
«Qaraǵandyda 20-dan astam álem chempıony bar. Ótken jyly Abý-Dabıde bizdiń balalar segiz altyn medal jeńip aldy. Jalpy, djıý-djıtsý Qazaqstanda óte damyǵan. Ótken jyly álem chempıonatynyń qorytyndysy boıynsha elimizdiń quramasy jalpykomandalyq úshinshi orynǵa ıe boldy. 110 el qatysty», – deıdi Qaraǵandy oblysynyń djıý-djıtsý federatsııasynyń prezıdenti Aıan Shermaǵanbetov.
Týrnır joǵary deńgeıde uıymdastyrylǵan. Jarystar úsh kilemde ótedi. Olardyń barlyǵy «Qaraǵandy oblysynyń Djıý-Djıtsý federatsııasy» YouTube-arnasynyń tikeleı efırinde kórsetiledi.
Djıý-djıtsýmen aınalysatyn sportshylardyń jarys kestesi tolyq. Tamyz aıynda Nur-Sultanda grepplıngten ashyq respýblıkalyq chempıonat jáne balalar men jastar arasynda Qaraǵandy oblysynyń resmı chempıonaty josparlanǵan, qyrkúıekte Qazaqstan chempıonaty, qarashada halyqaralyq jarystar ótedi.
