Qaraǵandyda dolana tunbasynan ýlaný rastalǵan joq
QARAǴANDY. QazAqparat - Qaraǵandyda eki er adam dolana tunbasynan ýlaný kúdigimen aýrýhanaǵa tústi, dep habarlaıdy «QazAqparat» HAA tilshisi oblystyq densaýlyq saqtaý basqarmasyna silteme jasap.
«Eki er adam ózdiginen oblystyq medıtsınalyq ortalyqqa kelgen. Naýqastar toksıkologııa bólimine jatqyzyldy. Zerthanalyq zertteýler dolana tunbasynan ýlanýdy rastaǵan joq. Alkogol sýrrogattarynan ýlaný dıagnozy qoıyldy», - dep pikir bildirdi oblystyq densaýlyq saqtaý basqarmasynyń baspasóz hatshysy Aıjan Isa.
Onyń aıtýynsha, patsıentter qazir statsıonarda em qabyldaýd. «Olardy erteń úıge shyǵarý josparlanǵan», - dep tolyqtyrdy Aıjan Isa.
Buǵan deıin BAQ-tar «Qaraǵandyda eki er adamnyń dolana tunbasyn qabyldap, aýrýhanaǵa jatqyzylǵanyn» habarlaǵan edi.
Eske sala ketsek, jeltoqsan aıynda Reseıdiń Irkýtsk oblysynda jýynyýǵa arnalǵan «Boıaryshnık» kontsentratynan jappaı ýlaný oryn aldy. Saldarynan 76 adam kóz jumyp, 123 adam zardap shekti.
