Qaraǵandyda daýyl saldarynan 19 jastaǵy qyz mert boldy
QARAǴANDY. QazAqparat – Qaraǵandy qalasynda daýyl saldarynan 19 jastaǵy qyz sýǵa batyp ketti, dep habarlaıdy QazAqparat tilshisi.
Qaıǵyly oqıǵa Topar sý qoımasynda boldy. Onyń denesin birneshe saǵattan keıin Qaraǵandy oblystyq Tótenshe jaǵdaılar departamentiniń mamandary tapty.
«Úrlemeli matratspen júzip júrgen 2001 jyly týǵan qyzdy qatty jel ekpini jaǵadan alys alyp ketken. Keıinirek onyń denesin qutqarýshylar sýdan alyp shyqty», - dep habarlady Qaraǵandy oblysy TJD baspasóz qyzmetinen.
Eske salaıyq, 12 shilde kúni Qaraǵandy qalasynda quıyndy jel turyp, saldarynan ondaǵan ǵımarattyń shatyry búlindi, 50-ge jýyq aǵash qulady, eldimekender, sonyń ishinde aýrýhanalarda jaryq sóndi.
