Qaraǵandyda Daýn sındromy bar balalardy damytýǵa arnalǵan ortalyq ashyldy
QARAǴANDY. QazAqparat - «Solnechnye detı» qoǵamdyq qorynyń arqasynda Qaraǵandyda Daýn sındromy (DS) bar balalarǵa arnalǵan ońaltý ortalyǵy ashyldy. Qarjy jaǵyn «Qazaqmys» korporatsııasy óz moınyna aldy.
«Solnechnye detı» qory 2020 jyldyń qarasha aıynda quryldy. Onyń negizin qalaýshy, DS bar balanyń anasy Anııa Muratova.
«Ulym dúnıege kelgennen keıin men birqatar problemalarǵa tap boldym. Eger jaqyndaryńnyń ǵana emes, aınalańdaǵylardyń da qoldaýy bolsa, bul qıyndyqty eńserý ońaıyraq bolatynyn túsindim. WhatsApp jelisinde bizdiń birlestikti qurý kezinde osyndaı dıagnozy bar balalardyń analarymen sóılestim. Bastamashyl top pen jubaıym meni qoldady. Osylaısha bizdiń Qor paıda boldy», – deıdi qor basshysy.
QQ aldyna qoıatyn basty mindetter – áleýmettik qorǵaý jáne ońaltý, DS bar balalarǵa psıhologııalyq, ádistemelik jáne basqa da kómek kórsetý, sondaı-aq áleýmettik beıimdelýge járdemdesý. Qazir birlestikte oblys boıynsha 115 otbasy tur. Onyń 80-i Qaraǵandydan. Mundaı otbasylardyń sany únemi ósip keledi.
«Biz óz úı-jaıymyz kerek ekenin túsindik. Balalar ońaltý kýrsynan tegin ótýi úshin, al analar bir-birimen aralasyp, tájirıbelerimen bólisýi úshin. Birden psıhologııalyq kómek alýǵa bolady. Búkil otbasy úshin túrli is-sharalar ótkizý múmkindigi paıda bolar edi», – deıdi Anııa Muratova.
Sodan keıin Qor basshysy demeýshiler izdeı bastaǵan. Anııa qaıyrymdylyq uıymdaryna da, iri kásiporyndarǵa da hat jazdy. «Qazaqmys» korporatsııasy« JShS basshylyǵy jaýap qaıtardy. Kompanııa úı-jaı satyp alyp qana qoımaı, jóndeý jumystaryn júrgizip, ortalyqty jıhazben jáne jabdyqpen tolyq qamtamasyz etti. Ortalyqty ustaý boıynsha barlyq shyǵyndardy – salyqtardy, kommýnaldyq tólemderdi jáne t.b. «Qazaqmys« óz moınyna alady.
«Endi biz ortalyqta jumys isteıtin mamandardy izdeımiz. Munda logoped, defektolog, massajıst kabınetteri, EDSh zaly, oıyn jáne mýzyka bólmeleri ornalasady. Balalarymyz úshin shyǵarmashylyq úıirme ashýdy josparlap otyrmyz. Demalys kúnderi sheberlik sabaqtary, sporttyq jáne shyǵarmashylyq is-sharalar ótkizemiz. Ortalyqtyń ashylýy bizdiń qalamyzdyń daýn sındromy bar balalardy tárbıelep otyrǵan otbasylaryna birigýge, senimdi bolýǵa, balalar úshin jarqyn bolashaqqa senýge kómektesedi. Bizdiń qorǵa áli qosylmaǵan ata-analar biz týraly estip, bizge qosylady dep úmittenemin», –deıdi Anııa Muratova.
Aldaǵy ýaqytta Anııa Muratova Qazaqstannyń basqa qalalarynan jáne jaqyn shetelden reabılıtolog mamandardy shaqyrýdy josparlap otyr.
Ortalyqtyń jumysy týraly suraqtaryńyzdy myna telefondar arqyly qoıýǵa bolady: +7-701-454-21-63 (Anııa), +7-702-169-90-32 (Aıjan), +7-700-213-56-34 (Tatıana).
Qosymsha aqparat Qordyń Instagram áleýmettik jelisindegi @solnechnye_deti paraqshasynda.
«Solnechnye detı» ortalyǵy Qaraǵandy qalasy, Muqanov kóshesi, 13 mekenjaıy boıynsha ornalasqan.
