Qaraǵandyda dárigerler sútke kúıip qalǵan balany qutqaryp qaldy
ASTANA. QazAqparat - Qaraǵandyda dárigerler sútke kúıip qalǵan balany qutqaryp qaldy, dep habarlaıdy «QazAqparat» HAA Qaraǵandy oblystyq densaýlyq saqtaý basqarmasynyń baspasóz qyzmetine silteme jasap.
«2 aı buryn oblystyq balalar klınıkalyq aýrýhanasyna aýyr haldegi bala túsken edi. Onyń denesiniń 65%-yn kúıik shalǵan», - dep habarlady densaýlyq saqtaý basqarmasynyń baspasóz qyzmetinen.
Vedomstvonyń baspasóz hatshysy Aıjan Isanyń aıtýynsha, búldirshin qaınap turǵan sútke kúıip qalǵan.
«Anasynyń aıtýynsha, balanyń ústine ystyq sút quıylyp ketken. Sonyń saldarynan balanyń arqasyn, qolyn, tizesin kúıik shalǵan. Mundaı jaǵdaıda balanyń tiri qalýy óte qıyn», - dedi ol.
Aıjan Isanyń sózinshe, jalpy 10 ret ota jasalǵan.
«Balanyń ómirin saqtap qaldy, ol úıine qaıtaryldy, biraq oǵan plastıkalyq ota jasaý kerek», - dep túıindedi ol.
