Qaraǵandyda dári-dármek baǵasyn kóterý faktileri anyqtaldy
QARAǴANDY. QazAqparat – Qaraǵandy oblysynda dári-dármek baǵasyn kóterý faktileri anyqtaldy, dep habarlaıdy QazAqparat.
Memleket basshysynyń tapsyrmasyn oryndaý sheńberinde oblys prokýratýrasy polıtsııa, sybaılas jemqorlyqqa qarsy qyzmet, ekonomıkalyq tergeý jáne taýarlar men qyzmetterdiń sapasy men qaýipsizdigin baqylaý organdarymen birlesip dári-dármekterdiń baǵasyn kóterý faktilerin anyqtaý úshin reıdtik is-sharalar júrgizilýde.
Búgingi tańda mobıldik toptar (05.07.2020 j.bastap) 45 faktini anyqtady, onyń ishinde 9 tártip buzýshy jaýapkershilikke tartylydy jáne 1,2 mln teńgege aıyppul salyndy, 36 fakti boıynsha Taýarlar men qyzmetterdiń sapasy men qaýipsizdigin baqylaý departamenti kináli tulǵalardy jaýapkershilikke tartý boıynsha sharalar qabyldaýda.
Mysaly, belgilengen shekti baǵany arttyrǵany úshin («Lazolvan ıÝnıor» 15mg/5ml, 100ml qaptamasy úshin baǵasy 2900 teńge, 1 qaptamasy úshin shekti baǵasy 1634,96 teńge; «Kardıomagnıl» 150 ml qaptamasy úshin baǵasy 2000 teńge, 1 qaptamasy úshin shekti baǵasy 1797,01 teńge) Abaı aýdanyndaǵy dárihana ıesine (Topar kenti) ÁQBtK-niń 426-babynyń 1-tarmaǵynda kózdelgen quqyq buzýshylyq jasaǵany úshin 180 540 teńge kóleminde ákimshilik aıyppul salyndy.
Jezqazǵan qalasynda «Laif» dárihanasynyń farmatsevtine 97 230 teńge kóleminde aıyppul salyndy, ol dárigerdiń retseptisiz 10 tabletkadan turatyn «Prıgobalın 75 ml» preparatyn satqan.
Mobıldik toptar dári-dármektiń baǵasyn kóterý faktileriniń jolyn kesý jumystaryn jalǵastyrýda. Osynǵan uqsas quqyq buzýshylyq jaǵdaılary týraly oblys prokýratýrasyna 87212353533 jáne 87021114006 baılanys nómirleri boıynsha habarlasýǵa bolady.
