Qaraǵandyda «Dana Abaı, dara Abaı» kórmesi ashyldy
Kórmege murajaı qorynan 30-dan astam grafıkalyq jáne kórkem jumystar qoıylǵan.
«Munda Abaı portretteri men onyń shyǵarmashylyǵyna arnalǵan jumystardy kórýge bolady. Kórmeniń basty jádigerleri - Tóleýǵalı Keńesbaev salǵan aqynnyń portreti, sondaı-aq Venıamın Shamshınniń «Abaı sózi» atty jumysy», - deıdi kórmeniń kýratory Nazerke Jartyn.
Murajaı jetekshisi Bıbigúl Qudabaevanyń aıtýynsha, jyldyń osy kórmemen ashylýy kezdeısoq emes.
«Abaıdyń 175 jyldyǵy – osy jylǵy eń mańyzdy mereıtoılardyń biri. Jyl boıy osy taqyrypqa arnalǵan murajaı sabaqtary ótkiziledi. Balabaqshalar, mektepter, kolledjder men JOO osy sabaqtardy ótkizýge ótinim bere alady», - dep atap ótti ol.
Sabaq baǵdarlamasyn mýzeı qyzmetkeri Nazerke Jartyn ázirledi. Onda jańa oqý tehnologııalary paıdalanylady.
«Buryn dáris oqıtynbyz, bul joly oqýshylar toptarǵa bólinip, ózderi zertteý júrgizedi. Biz sabaqty eki tilde ótkizemiz. Búgin kórmeniń ashylýyna úsh mektep: Abaı qalasyndaǵy №10 gımnazııa, Qaraǵandy qalasynyń №16 mektebi jáne Maǵjan Jumabaev atyndaǵy №39 lıtseıdiń oqýshylary shaqyryldy», - deıdi Nazerke Jartyn.
Kórmeniń ashylýy shaǵyn kontsert formatynda ótti. Oqýshylar Abaı óleńderin oqyp, án aıtyp, ulttyq aspaptarda oınady.
«Bıyl búkil respýblıka boıynsha biz uly aqyn, kompozıtor, fılosof, saıasattanýshy, oıshyl, jańa qazaq jazba ádebıetiniń negizin qalaýshy Abaıdyń 175 jyldyǵyn toılaımyz. Bizdiń mektepte kóptegen is-sharalar ótkiziledi. Oǵan ata-analar da belsene qatysady. Sonymen, meniń synybymnyń oqýshysy Ersin Sarık anasy Ásem Shákenovamen birge Abaı portretimen qabyrǵa gazetin salyp, shyǵarmashylyq baıqaýdyń Gran-prıine ıe boldy. Búgin osy qabyrǵa gazetin biz murajaıǵa alyp keldik», - dedi Abaı qalasy №10 gımnazııasynyń bastaýysh synyp muǵalimi Ańsaǵan Aqjanqyzy.
«Dana Abaı, dara Abaı» kórmesi 20 qańtarǵa deıin jalǵasady.
Foto: forum.ekaraganda.kz
