Qaraǵandyda dámhanany «jaryp» jibermek bolǵan adam ustaldy

QARAǴANDY. QazAqparat –Qaraǵandy qalasy Lenın kóshesiniń boıynda ornalasqan dámhananyń birinde belgisiz azamat ǵımaratty jaramyn dep qorqytqan, dep habarlaıdy QazAqparat.

Oblystyq polıtsııa departamentiniń habarlaýynsha, oqıǵa 13 qazan kúni 14:30 saǵat shamasynda bolǵan.

Patrýldik polıtsııa polkiniń qyzmetkerlerimen oqıǵa orynynda 47 jastaǵy azamat anyqtalyp, ol óziniń qol sómkesinde «jarylǵysh zat» baryn jáne shamamen 15 mınýttan soń «jarylatyndyǵyn» aıtqan.

«Oqıǵa oryny qorshaýǵa alynyp, ǵımarattan 2 adam evokýatsııalanǵan.Polıtsııa qyzmetkerlerimen qol sómke qaralyp, onda eshqandaı jarylǵysh zat anyqtalǵan joq. 47 jastaǵy azamat «oblystyq psıhonevrologııa dıspanserine» jatqyzyldy. Atalǵan fakti boıynsha _QR Qylmystyq Kodeksiniń 273 babyna sáıkes qylmystyq is qozǵalyp, tergeý amaldary júrgizilýde» delingen habarlamada.