Qaraǵandyda dámhanaǵa kelýshi 3 adamdy jaraqattady
QARAǴANDY. 12 aqpan. QazAqparat - Qaraǵandyda dámhanalardyń birinde kelýshi 3 adamdy jaraqattady, dep habarlandy Qaraǵandy oblysy boıynsha ІІD-niń baspasóz qyzmeti.
«Keshe Qaraǵandy qalasynyń oblystyq medıtsına ortalyǵyna pyshaqpen jaraqattanǵan úsh er adam jetkizildi. Anyqtalǵandaı, úsheýi týǵan kún toılap jatqan dámhanalardyń birinde jaraqattanǵan. Qaraǵandy qalasy ІІB polıtsııasynyń ortalyq bólimi krımınaldyq polıtsııa qyzmetkerleri tóbelesti uıymdastyryp, pyshaq jaraqattaryn salǵan janjaldy bastaýshyny anyqtady», - delingen habarlamada.
Ol 24 jastaǵy qala turǵyny bolyp shyqty. Ol osyndaı áreketteri úshin polıtseılerdiń nazaryna birneshe ret ilikken.
QR QK-niń 257 baby boıynsha (Buzaqylyq) qylmystyq is qozǵaldy. Tekserý amaldary júrgizilýde.
