Qaraǵandyda dámhana órtendi
QARAǴANDY. QazAqparat - Búgin túnde Qaraǵandy qalasyndaǵy dámhananyń birinde 100 sharshy metr aýmaqta órt shyqty, dep habarlaıdy QazAqparat tilshisi.
20 aqpan kúni 03 saǵat 54 mınýtta Qaraǵandy qalasynyń Prıshahtınsk shaǵynaýdanyndaǵy Zelenskıı kóshesinde órt bolyp jatqany týraly habar kelip túsken.
Birinshi órt sóndirý bólimsheleri kelgen kezde dámhananyń ǵımaratyn jalyn sharpyp jatqan. Bul óz kezeginde jaqyn ornalasqan kórshi ǵımaratqa órttiń taralý qaýpin týdyrdy.
Órt sóndirýshiler 05 saǵat 30 mınýtta tilsiz jaýdy tolyqtaı aýyzdyqtady.
«Órtti sóndirýge Qaraǵandy oblysy TJD Órt sóndirý jáne apattyq-qutqarý jumystary qyzmetiniń 28 adamy men 7 tehnıkasy jumyldyryldy. Órt saldarynan shatyrdyń aǵash tory, aǵash jabyny, tereze jáne esik bloktary, jıhaz, turmystyq tehnıka, 100 sh.m. alańdaǵy basqa da zattar zaqymdaldy», - dep habarlady Qaraǵandy oblysy TJD baspasóz qyzmeti.
Qazirgi ýaqytta mamandar órttiń paıda bolý sebebin anyqtaýda.
