Qaraǵandyda dámhana kassasynan ury 1,7 mln teńgeni jymqyryp ketken

QARAǴANDY. QazAqparat – Qaraǵandyda jylpos ury dámhananyń terezesinen kirip, tonap ketken. Sanaýly mınýtta ol kassadan 1 mln 700 myń teńge alyp shyqqan, dep habarlaıdy QazAqparat tilshisi.

30 tamyz kúni tańerteń Qaraǵandy qalasynyń PB Ortalyq polıtsııa bólimine qaladaǵy dámhanalardyń birin tonap ketkeni týraly habarlama kelip túsken. Oqıǵa ornyna jedel-tergeý toby kelip jetken.

Kýágerler tańerteń jumysqa kelgenderin aıtty. Bólmeni jeldetý úshin olar jalpy zaldyń terezesin ashyp, óz isterimen aınalysqan. Belgisiz bireý ashyq terezeni paıdalanyp, dámhanaǵa kirip, kassadan 1 mln 700 myń teńge urlap ketken.

«Jedel-izdestirý is-sharalary barysynda krımınaldyq polıtsııa qyzmetkerleri kúdikti – 31 jastaǵy er adamdy izin sýytpaı ustady. Ol kinásin tolyq moıyndady. QR QK 188-baby «Urlyq» boıynsha qylmystyq is qozǵaldy. Tergeý júrip jatyr», - dep habarlady Qaraǵandy oblysy polıtsııa departamentinde.