Qaraǵandyda Covid-19 máseleleri boıynsha Telegram-bot iske qosyldy
QARAǴANDY. QazAqparat - Qaraǵandy oblysynda koronavırýs ınfektsııasy týraly jan-jaqty aqparat usynatyn Telegram-bot iske qosyldy, dep habarlaıdy QazAqparat tilshisi.
Jergilikti jáne respýblıkalyq mamandardyń keńesteri men túsindirmeleri bir jerde jınaqtalǵan. Telegram arnaǵa jazylǵandar qyzyqtyrǵan suraqtaryna esh qıyndyqsyz jaýap taba alady.
Halyqpen dıalog ornatý úshin qurylǵan Senim109 qyzmeti (Qaraǵandy oblysynyń biryńǵaı úılestirý ortalyǵy) densaýlyq saqtaýǵa arnalǵan arnaıy bólim ázirledi. Barlyq aqparat Senim109.kz Telegram-botynda qoljetimdi.
Úıde karantın kezinde ne isteý kerek? COVID-19 belgileri jáne aýrýǵa kúdik paıda bolǵanda qandaı áreketter jasaý kerek? PTR-test jáne kompıýterlik tomografııany qashan jasaý kerek? Osy jáne basqa da kóptegen suraqtarǵa osynda jaýap berilgen.
Bólim únemi jańartylyp, paıdaly málimettermen tolyǵyp otyrady.
