Qaraǵandyda buzaqylar shınasyn jarǵan 15 kólik ıesi shaǵym túsirmedi
QARAǴANDY. QazAqparat - Belgisiz bireýler mashınasynyń ballonyn jaryp ketken 25 kólik ıesiniń tek ony ǵana Qaraǵandy polıtsııasyna resmı habar bergen, dep habarlaıdy «QazAqparat» HAA.
«Quqyqbuzýshylyq jasaǵan tulǵa nemese tulǵalardy jaýapqa tartýdy surap 10 adam resmı ótinishpen keldi. Materıaldar Qylmystyq kodekstiń 293-babymen («Buzaqylyq») tirkeldi. ıAǵnı, qoǵamdyq tártip buzylǵan. Qoǵamdy qurmettemeý anyq kórinetin, bótenniń múlkin joıýmen nemese búldirýmen erekshelenetin ádepsiz áreketter jasalǵan. Jedel tergeý toby jasaqtaldy, quqyqbuzýshylardy izdep jatyrmyz», - deıdi Qaraǵandy oblysy ishki ister departamenti baspasóz qyzmetiniń basshysy Baqytjan Qudııarov.
Kólik ıeleriniń kópshiligi qoly tımeıtinin aıtyp, ótinish jazbaǵan. Vıdeotirkeýish ornatylǵan avtomobılderdiń jazbalary alyndy.
Buǵan deıin Qaraǵandyda buzaqylar ondaǵan avtomobıldiń shınasyn jaryp ketkenin habarlaǵan bolatynbyz.
Avtomobılderdiń ıeleri Balqashtaǵy oqıǵadan keıin qaraǵandylyq buzaqylar da sony qaıtalaǵysy kelgenin aıtyp jatyr.
Eske sala keteıik, buǵan deıin Balqashta 50 shaqty mashınanyń ballony jaryp ketken edi, osy fakti boıynsha 24 jáne 23 jastaǵy jigitter ustalǵan bolatyn.
