Qaraǵandyda buzaqy polıtseıdi eki tisinen aıyrdy
QARAǴANDY. 16 sáýir. QazAqparat - Qaraǵandyda buzaqy qyzmet babynda bolǵan polıtsııa qyzmetkerin uryp, eki tisin syndyrdy.
Bul týraly Qaraǵandy oblysy ІІD-niń baspasóz qyzmetinen habarlandy.
Polıtsııanyń bergen aqparaty boıynsha, oqıǵa ótken jeksenbide Qaraǵandydaǵy «Gornıak» avtobýstar aıaldamasynyń aýmaǵynda boldy.
«Polıtsııanyń statsıonarly beketiniń eki ókili, 25-30 jas aralyǵyndaǵy tórt er adam ótip bara jatqan adamdardyń mazalaryn ala bergenin baıqaǵan. Olar qoǵamdyq tártipti buzýshylarǵa eskertý jasamaq bolyp, qasyna barǵan. Polıtsııa qyzmetkerleri ózderin tanystyryp, qyzmettik kýálikterin kórsetken kezde buzaqylardyń biri polıtseıdiń betinen uryp qashyp ketken», - dep habarlandy oblystyq ІІD-niń baspasóz qyzmetinen.
Polıtseıler buzaqylardyń birin qýyp, ustady. Onyń sózine qaraǵanda, polıtsııa qyzmetkerin urǵan Shet aýdanynyń 31 jastaǵy turǵyny.
«Ony ustaý boıynsha sharalar júrgizilýde. Bılik ókiline kúsh kórsetý faktisi boıynsha QR QK-niń 321-babymen qylmystyq is qozǵaldy», - dep habarlandy oblystyq ІІD-niń baspasóz qyzmetinen.
Zardap shekken polıtsııa qyzmetkerine em qajet boldy. «Onyń jaǵy synýy múmkin degen boljam jasaldy. Rentgendik tekserý kórsetkendeı, súıekke zaqym kelmegen», - dep málim etildi baspasóz qyzmetinen.
