Qaraǵandyda burynǵy áıelimen ursyp qalǵan er adam 1 jasar qyzyn urlap ketti
QARAǴANDY. QazAqparat – Qaraǵandy turǵyny ajyrasqan kúıeýiniń urys-keristen keıin bir jasar qyzyn tartyp alyp ketkenin aıtyp, polıtsııaǵa shaǵymdandy, dep habarlaıdy QazAqparat tilshisi.
13 qyrkúıek kúni Jańa Maıqudyq polıtsııa bólimine 23 jastaǵy qala turǵyny habarlasty. Kelinshektiń aıtýynsha, 26 jastaǵy burynǵy kúıeýi áıelmen urysyp, oǵan zaqym keltirgen, artynsha bir jasar qyzyn alyp ketken.
Osy derek boıynsha QR Qylmystyq kodeksiniń 125-baby («Adam urlaý») 2-bóligine sáıkes qylmystyq is tirkeldi.
«Jedel izdestirý sharalarynyń nátıjesinde polıtsııa qyzmetkerleri balany taýyp, anasyna qaıtardy. Polıtseıler 26 jastaǵy kúdiktini ustaý sharalaryn júrgizdi», - dep málimdedi Qaraǵandy oblystyq PD baspasóz qyzmeti.
Osy is boıynsha tergeý júrip jatyr.
