Qaraǵandyda burynǵy áskerı qalashyqta qırandylardyń astynda qalǵan úsh adamnyń máıitteri áli tabylǵan joq - TJM
ASTANA. Qańtardyń 25-i. QazAqparat - Qaraǵandy oblysy «Balqash 9» stansysyndaǵy burynǵy áskerı qalashyqta ǵımarattyń qulaýy saldarynan qırandynyń astynda qalǵan úsh adam áli tabylǵan joq,
dep habarlady QR TJM-nyń baspasóz qyzmeti.
Esterińizge sala keteıik, qańtardyń ótken 22-si kúni saǵat 13.30-da «Balqash 9» stansysyndaǵy «Darıal-Ý» burynǵy áskerı qalashyǵynda ǵımarattardy ruqsatsyz bólshekteý barysynda nysannyń 250 sharshy metr kólemdegi konstrýktsııasy opyrylyp qulap, qırandynyń astynda 40 jastaǵy azamat mert bolǵan. 35 jastaǵy bir azamat dene jaraqattarymen aýrýhanaǵa jetkizildi. Boljam boıynsha úıindiniń astynda 27, 31 jáne jasy anyqtalmaǵan taǵy 1 adam qalyp otyr.
«Qańtardyń 23-i jáne 24-i kúnderi júrgizilgen izdeý-qutqarý jumystary nátıje bermedi. Tótenshe jaǵdaıdy joıýǵa 53 adam men 14 tehnıka jumyldyryldy», dep anyqtady vedomstvonyń baspasóz qyzmetinen.
