Qaraǵandyda búgin taǵy 6 adam koronavırýs juqtyrǵany anyqtaldy
QARAǴANDY. QazAqparat – Búgin Qaraǵandyda taǵy 6 adam koronavırýs juqtyrdy. Olardyń úsheýi keshe qaıtys bolǵan er adamnyń týystary bolyp shyqty, dep habarlaıdy QazAqparat tilshisi.
Búgingi kúni Qaraǵandyda koronavırýs juqtyrǵandar sany taǵy 6 adamǵa ulǵaıdy. Onyń ishinde úsheýi – keshe qaıtys bolǵan er adamnyń otbasy músheleri, ekeýi karantındik statsıonarda anyqtalǵandar. Olardyń barlyǵy ınfektsııalyq boksqa, taǵy bir adam úı karantınine jatqyzyldy.
«Epıdemıologııalyq tekserý júrgizilýde. Úı karantınindegi azamatpen baılanysta bolǵan tulǵalar anyqtalýda. Qaıtys bolǵan adammen jalpy alǵanda 200-ge jýyq adam baılanysta bolǵan. Onyń ishinde: 54 - provızorlyq jáne karantındik statsıonarlarǵa (onyń ishinde otbasy músheleri), 150 adam – úı karantınine jatqyzylǵan», - dep habarlady Qaraǵandy oblystyq Densaýlyq saqtaý basqarmasynyń baspasóz qyzmeti.
Oblys boıynsha vırýs juqtyrǵandar sany - 21, onyń ishinde 1 ólim jaǵdaıy tirkelgen.
