Qaraǵandyda boıjetken jarty mıllıon teńgeniń kosmetıkasyn urlap ketken
QARAǴANDY. QazAqparat – Qaraǵandyda qymbat kosmetıkany urlap ketken qyz ustaldy. Shyǵyn somasy 500 myń teńgeni qurady, dep habarlaıdy QazAqparat tilshisi.
24 qarashada Qaraǵandy qalalyq Polıtsııa basqarmasynyń Jańa Maıqudyq polıtsııa bólimine 51 jastaǵy qala turǵyny júgingen. Ol belgisiz adam páterinen «Mary Kay» kompanııasynyń kosmetıkalyq ónimderin urlap ketkenin túsindirdi. Shyǵyn shamamen 500 myń teńgeni qurady. Atalǵan fakti boıynsha QR QK 188-babymen («Urlyq») qylmystyq is qozǵaldy.
«27 qarashada jedel-izdestirý is-sharalary barysynda krımınaldyq polıtsııa qyzmetkerleri 23 jastaǵy kúdikti qyzdy ustady. Odan zattaı dáleldemeler tárkilendi», - dep habarlady Qaraǵandy oblysy PD baspasóz qyzmetinen.
