Qaraǵandyda bos oryndar jármeńkesi qus ushar bıikten túsirildi
Jaǵalaýdaǵy ortalyq mádenıet jáne demalys saıabaǵynda jumys ornyn usynǵan stendter ornalastyryldy, jumys berýshiler shaqyryldy. Shatyrlarda Jumyspen qamtý ortalyǵynyń mamandary «Jumyspen qamtý jol kartasy-2020» baǵdarlamasy boıynsha keńes berildi. Ótken-ketken adamdarǵa jumysqa ornalastyrý múmkindikteri jaıly aqparattyq jadynamalar úlestirildi.
Uıymdastyrýshylar kvadrokopterden vıdeotúsirilimge tapsyrys berdi.
Uıymdastyrýshylardyń málimetterine sáıkes stendterde qalanyń 189 kásiporny men uıymdarynan 1000-ǵa jýyq bos oryn usynyldy. Jármeńkege 60-qa jýyq jumys berýshi qatysty. Onyń ishinde ınjenerler, dárigerler, ustazdar qajet. Eń kóp suranys - elektr gaz dánekerlerýshi, elektr jóndeýshi, usta, jonýshy, avtokran mashınısi jáne t.b. bar, mádenı mekeme hormeıster izdeýde.
«Jármeńkege 816 adam keldi, olardyń 84-i jumysqa ornalasýǵa joldama aldy. 289-y túıindeme qaldyrdy. 116-sy «Jumyspen qamtý jol kartasy» baǵdarlamasy boıynsha keńes aldy», - degen qorytyndy shyǵardy ortalyq.
Uıymdastyrýshylardyń aqparatyna sáıkes shartty túrde sottalǵan, bas bostandyǵynan aıyrý ornynan bosap shyqqan 23 adam jumysqa joldama aldy.
