Qaraǵandyda boryshkerler men esepte turǵan tulǵalar jumysqa ornalastyrylýda
QARAǴANDY. QazAqparat - Qaraǵandy qalasynyń Qazybek bı atyndaǵy aýdan prokýratýrasy «Qaraǵandy qalasynyń jumyspen qamtý jáne áleýmettik baǵdarlamalar bólimi» MM alańynda bos jumys oryndary jármeńkesin ótkizdi. Onda alıment tóleýge qarajaty joq jumyssyz boryshkerler men esepte turǵan tulǵalarǵa jumys usynyldy, dep habarlaıdy QazAqparat tilshisi.
Іs-sharanyń maqsaty – alıment boıynsha boryshkerlerdi jáne probatsııa qyzmetiniń esebinde turǵan tulǵalardy jumysqa ornalastyrý arqyly kámeletke tolmaǵan balalaryn baǵýǵa qarajat tólenýin qamtamasyz etý jáne qylmystyq quqyq buzýshylyqtardyń aldyn alý.
Sharany qalanyń jumyspen qamtý jáne áleýmettik baǵdarlamalar bólimi, jeke sot oryndaýshylarynyń óńirlik palatasy jáne probatsııa qyzmeti birlesip uıymdastyrdy.
Jármeńkege uıymdastyrýshylardyń bastamasyn qoldaǵan bıznes sýbektileri qatysty.
Aktsııa aıasynda jumyssyzdarǵa bos oryndar týraly aqparat usynyldy, jumys tańdaýda kómek kórsetildi jáne tegin keńester berildi.
«Іs-shara alıment óndirý týraly sot aktileriniń oryndalýyn qamtamasyz etýge jáne esepte turǵandardy jumyspen qamtýǵa baǵyttalǵan. Jyl basynan beri 14 adam jumysqa ornalastyryldy. Sonymen qatar, Qaraǵandy qalasynyń Qazybek bı atyndaǵy aýdan prokýratýrasy balalardy kútip-baǵýǵa arnalǵan qarajatty tóleý jónindegi mindetterdi oryndamaǵany úshin Qazaqstan Respýblıkasynyń Qylmystyq kodeksiniń 139-babyna sáıkes 2 jylǵa deıin bas bostandyǵynan aıyrý jazasy qarastyrylǵanyn eske salady», -dep habarlady Qaraǵandy oblystyq prokýratýrasynyń baspasóz qyzmeti.
