Qaraǵandyda boran kezinde múgedek joǵalyp ketti
QARAǴANDY. QazAqparat - Qaraǵandyda boran soǵyp turǵanda dalaǵa shyqqan úshinshi top múgedegi habar-osharsyz joǵalyp ketti, dep habarlady «QazAqparat» HAA tilshisi.
«Amandyq Ákimjanovtyń joǵalyp ketý faktisi boıynsha izdeý sharalary júrgizilýde. Ool úıinen shyǵyp ketip, qazirgi ýaqytqa deıin úıine oralmaǵany anyqtaldy», - dep habarlady óńirdiń ІІD baspasóz qyzmeti.
Joǵalyp keterdiń aldynda er adam bankomattan 20 myń teńge alyp, aqshasynyń jartysyna azyq-túlik satyp alǵan.
«Amandyq azyq-túlikti ákelip, biraz ýaqytqa bógeletinin aıtyp úıden shyǵyp ketken. Sodan beri 11 kún ótti, ol týraly eshbir jańalyq joq», - dedi onyń ápkesi Jazıra Ákimjanova.
Áıel onyń quldyqqa jegý úshin alyp ketýi múmkin dep qaýiptenedi.
«Ol kóńildi, eshkimge zııany joq momyn jan. Ony qystaqqa tegin jumys istetý úshin alyp ketýi múmkin», - dedi áıel.
Er adamnyń eki kámelettik jasqa tolmaǵan balasy bar.
Amandyq Ákimjanovtyń belgileri: boıy 165-170 santımetr, dene bitimi ortasha. Basynda otadan keıingi tyrtyǵy bar. Erekshe belgileri: oń kózi qıtar, úshinshi top múgedegi. 3 aqpanda dalaǵa kúnqaǵary bar qońyr tústi kepka, ashyq qońyr tústi ton, kók djınsy, qara báteńke kıip shyqqan. Onyń qaı jerde ekenin kórip, bilgen adamdar bolsa, -705-251-75-57 ne 102 telefondaryna qońyraý shalýdy suraıdy.
