Qaraǵandyda Bolǵan ana kesenesinen tabylǵan arheologııalyq oljalar tanystyryldy

QARAǴANDY. QazAqparat - Búgin Qaraǵandy oblystyq tarıh-ólketaný murajaıynda qazan aıynda Qaraǵandy oblysynyń Ulytaý aýdanynda júrgizilgen ǵylymı-zertteý jumystary kezinde tabylǵan qundy oljalardy tanystyrdy. Bul týraly «QazAqparat» HAA ekaraganda.kz saıtyna silteme jasaǵan habarlaıdy.

Arheologııalyq qazba jumystary Bolǵan ana kesenesinde júrgizilgen. Qazba jumystarynyń barysynda aqsúıek tuqymnan shyqqan áıeldiń súıekteri tabylǵan. Aldyn ala boljam boıynsha, bul áıel Joshy hannyń týysy bolǵan.

«Áıel Bolǵan ana kesenesiniń ortalyq bóliginde jerlengen. Qazba jumystarynyń barysynda qabir tabyldy. Onyń uzyndyǵy 2,20 metr, eni 1,20 metr, tereńdigi 2 metr, 35 santımetr. Bastapqyda aǵash sarkofagta jerlengen adamnyń qańqa súıegi shyqty. Ókinishke qaraı, sarkofag qıraǵan. Tazartý kezinde sondaı-aq áıeldiń bas jaǵyna qoıylǵan altyn kese, ıyq tusynan syrǵa, sondaı-aq qabirdiń ishinen mata qaldyqtary jáne bylǵary aıaq kıim tabyldy.

Mamandar áıeldiń jasyn jáne qaı zamanda ómir súrgenin anyqtaý úshin súıek úlgilerin Amerıka men Japonııanyń álemdik zerthanalaryna jiberdi. Zerthanalyq zertteýler 2018 jyldyń sońyna deıin daıyn bolatyny atap ótiledi.

Bolashaqta tarıhshylar kesenede jerlengen áıeldiń beınesin qalpyna keltirýdi josparlap otyr.