Qaraǵandyda bolashaq qutqarýshyny erligi úshin marapattady
ASTANA. QaazAqparat - Qaraǵandy oblystyq TJD-de Qutqarýshylar kúnine oraı uıymdastyrylǵan saltanatty jıynda eńbegimen erekshelengen qyzmetkerler, sonymen qatar erlik áreketter jasaǵan azamattar marapattaldy dep habarlaıdy óńir ákimdiginiń resmı saıty.
Marapattalǵandar qatarynda - Qaraǵandy polıtehnıkalyq kolledjiniń 2-shi kýrs stýdenti Nıkıta Parshıkov bar. Ol kásibı qutqarýshy mamandyǵyn oqyp jatyr. Al osydan úsh jyl buryn ol órtten kishkentaı inisi men qaryndasyn qutqaryp qalǵan.
ske sala ketsek 2014 jyldyń 22 qazanynda jeke úıde órt shyqqan. Nıkıta ol kezde áli oqýshy bolatyn, alaıda ol úreıge boı bermeı, eki jasar inisi men bir jarym jastaǵy qaryndasyn ottan aman alyp shyqty. Onyń denesin kúıik shalǵan jáne ol ýly gaz jutyp qoıǵan.
Sońyra bozbala qutqarýshy bolýǵa bel býdy. Kolledjde Nıkıtany tártipti jáne jaýapty stýdent retinde sıpattaıdy. Jas jigit sporttyq jáne mádenı sharalarǵa belsendi qatysady.
Kórsetken batyldyǵy men erjúrektigi úshin Nıkıta Parshıkovqa «Tótenshe jaǵdaıdaǵy erligi úshin» tósbelgisi berildi.
