Qaraǵandyda BMW mingen stýdent boıjetkendi qaǵyp ketti
ASTANA. QazAqparat - Qaraǵandyda BMW kóligi jaıaý júrginshiler jolaǵynda kele jatqan eki qyzdy qaǵyp ketti, biri kóz jumyp, ekinshisi aýrýhanada aýyr hálde jatyr, dep habarlaıdy QazAqparat.
Qatty soqqydan kólik aýdarylyp ketti. 20 jáne 19 jastaǵy eki boıjetken Prıkanalnyı kóshesindegi jaıaý júrginshiler jolaǵynan ótip bara jatqan. Apat saldarynan bassúıegi synǵan 20 jastaǵy qyz oqıǵa ornynda til tartpastan mert boldy.
15 mamyr kúni saǵat 21:45 shamasynda BMW kóliginiń 20 jastaǵy júrgizýshisi rólge ıe bola almaı, eki jaıaý júrginshini qaǵyp ketken. Jol-kólik oqıǵasy kezinde ekeýi aýyr jaraqat alyp, aýrýhanaǵa jetkizildi», - dep habarlady ІІD baspasóz qyzmetiniń jetekshisi Baqytjan Qudııarov.
Japa shekken ekinshi qyz ortopedııa jáne travmotologııa ortalyǵynda jatyr. Apat ornyna kelip jetken polıtsııa qyzmetkerleri júrgizýshini tutqyndady. Onyń jergilikti joǵary oqý ornynda oqıtyny anyqtaldy.
«Jol-kólik apaty faktisi boıynsha QK 3 baby, 3 bóligi negizinde sot aldyndaǵy tergeý jumystary bastaldy. Saraptama taǵaıyndaldy. Onyń qorytyndylary boıynsha apat sebepteri anyqtalady», - dedi Baqytjan Qudııarov.
