Qaraǵandyda BMV men Gazel soqtyǵysyp, eki adam kóz jumdy
QARAǴANDY. QazAqparat - Qaraǵandyda jol apatynan eki adam qaza tapty, bir adam zardap shekti dep habarlaıdy QazAqparat tilshisi.
Jol apaty 14 maýsymda keshke qaraı 15 magıstralda boldy. Tergeý nusqasyna sáıkes, «Gazel» júrgizýshisi manevr jasaý aldynda tekserip almaı solǵa burylǵan.
«Bastapqy málimet boıynsha, júrgizýshi qarsy jolaqpen kele jatqan «BMV» avtokóligine jol bermegen. Jol oqıǵasy ornynda aýyr jaraqat alǵan «BMV» kóliginiń eki jolaýshysy qaza tapty, - deıdi Qaraǵandy oblystyq ІІD baspasóz qyzmetiniń jetekshisi Baqytjan Qudııarov.
Jol apatyna kináli sanalyp otyrǵan «Gazeldiń» 29 jastaǵy júrgizýshisi aýrýhanaǵa jetkizildi. Jazylyp shyqqan soń ol qylmystyq is boıynsha jaýap beredi. «Sotqa deıingi óndiris QR Qylmystyq kodeksiniń 345-babynyń 4 bóligi boınysha ashyldy», - dep málim etti Baqytjan Qudııarov.
