Qaraǵandyda bızneske arnalǵan memlekettik grantty kimder ala alady

QARAǴANDY. QazAqparat – Qaraǵandynyń jumyspen qamtý ortalyǵy qala turǵyndaryn nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyna qatysýǵa shaqyrady, dep habarlaıdy QazAqparat tilshisi.

Baǵdarlama bıznes-ıdeıalardy iske asyrý úshin grant alýǵa múmkindik beredi.

Baǵdarlamaǵa myna sanattaǵy adamdar qatysa alady:

- halyqty jumyspen qamtý ortalyqtarynda tirkelýine qaramastan jumyssyzdar;

- memlekettik tirkeý merzimi bir jyldan kem kásipkerler;

- ózin-ózi jumyspen qamtyǵandar (biryńǵaı jıyntyq tólem tóleýshiler);

- az qamtylǵan jáne kópbalaly otbasy músheleri – AÁK alýshylar, sondaı-aq qonys aýdarýshylar men qandastar (bul rette oqýdan ótý talap etilmeıdi).

Baǵdarlamaǵa qatysý úshin Qaraǵandy qalasynyń halyqty jumyspen qamtý ortalyǵyna Buqar jyraý dańǵyly, 51/4 mekenjaıy boıynsha habarlasý qajet.

Anyqtama telefondary: 996-394, 996-393.