Qaraǵandyda bıyl 2,2 myń beınebaqylaý kamerasy iske qosylady

QARAǴANDY. QazAqparat – Qaraǵandy oblysynda «Tsıfrlandyrý, ǵylym jáne ınnovatsııa esebinen tehnologııalyq serpilis» ulttyq jobasy belsendi júzege asyp jatyr. Joba aıasynda Qaraǵandyda qalalyq jedel basqarý ortalyǵyna 4 588 beınebaqylaý kamerasy shyǵaryldy, dep habarlaıdy QazAqparat tilshisi.

Ulttyq joba sheńberinde Qaraǵandy oblysynda bıyl 2 280 jańa beınebaqylaý kamerasyn ornatý josparlanǵan.

Osylaısha, aımaq bıligi azamattardyń qaýipsizdigin kúsheıtýge nıetti.

Aqparattandyrý, memlekettik qyzmetter kórsetý jáne arhıvter basqarmasynyń basshysy Rýstam Baıjanov habarlaǵandaı, búgin Qaraǵandy aýmaǵynda jedel basqarý ortalyǵyna 4588 beınebaqylaý kamerasy shyǵaryldy.

Oblys ortalyǵyndaǵy úılerdiń kireberisine 1550 kamera ornatylǵan.

Óńirde «Bultty beınebaqylaý» jáne «Qaýipsiz qala» jobalary jumys isteıdi.

Qaraǵandy qıylystarynda naqty ýaqyt rejıminde jol erejesin buzý faktilerin 10 apparattyq-baǵdarlamalyq keshen tirkeıdi.

Qaraǵandyda kez kelgen azamat paıdalana alatyn shuǵyl baılanys termınaldary da bar.

Búkil polıtsııa qyzmetkerleri planshettermen qamtamasyz etilgen. Oblysta jabdyqty jańartý úshin qosymsha satyp alý josparlanǵan.