Qaraǵandyda bir túnde 30-ǵa jýyq kóliktiń dońǵalaǵyn jaryp ketken
QARAǴANDY. QazAqparat - Qaraǵandyda buzaqylar 25 avtomobıldiń shınasyn jaryp ketti, dep habarlaıdy «QazAqparat» HAA tilshisi.
Belgisiz bireýler túnde keıbir mashınalardyń bir dońǵalaǵyn jarǵan, keıbireýleriniń ekeýin, úsheýin, endi bireýleriniń tórt dońǵalaǵyn túgel jańartý kerek. Jappaı bótenniń múlkine zııan keltirý faktisi Qaraǵandynyń ońtústik-shyǵys aýdanynda boldy.
Oqıǵa jaıly polıtsııaǵa shaǵymdanǵan kólik ıeleri túrli pikirler aıtyp jatyr. Bireý dońǵalaq jóndeý salondaryna klıent tartý maqsatynda jasalǵan dese, endi bireýler erikken buzaqylyq áreket dep baǵalap otyr.
Buzaqylyq bolǵan jerdegi úıdiń aınalasyna beınebaqylaý kameralary qoıylmaǵan.
Eske sala keteıik, buǵan deıin Balqashta 50 shaqty mashınanyń ballony jaryp ketken. Osy fakti boıynsha eki buzaqy ustalǵan bolatyn.
