Qaraǵandyda bir táýlikte 56 adam COVID-19 vırýsyn juqtyrdy
QARAǴANDY. QazAqparat - Qaraǵandy oblysynda koronavırýs ınfektsııasyn juqtyrýdyń 56 jaǵdaıy tirkeldi, dep habarlaıdy QazAqparat.
PTR dıagnostıkalyq zertteý nátıjesi boıynsha 56 adamda COVID-19 vırýsy anyqtaldy. Tirkelgen jaǵdaılar skrınıng barysynda jáne jaqyn baılanysta bolǵandardy tekserý kezinde anyqtaldy.
Qaraǵandy qalasynda juqpanyń – 28 jaǵdaıy, Temirtaýda - 3, Saranda - 4, Shahtınskide - 6, Balqashta - 2, Sátpaevta. - 2, Abaı aýdanynda - 6, Jańaarqa aýdanynda - 4, Shet aýdanynda bir jaǵdaı anyqtaldy. Barlyǵy juqpaly aýrýlar statsıonaryna jatqyzyldy.
Qazirgi ýaqytta naýqastardyń jaǵdaıy qanaǵattanarlyq, em alyp jatyr. Oshaqtarda dezınfektsııalyq sharalar júrgizildi.
13 maýsymdaǵy ahýal boıynsha, oblysta 1475 adam indet juqtyrǵan. Onyń ishinde 7 adam kóz jumdy. 644 patsıent jazylyp shyqty.
