Qaraǵandyda bir otbasyn órtten qutqarǵan polıtseıler marapattaldy
QARAǴANDY. QazAqparat - Qaraǵandyda Qazaqstan polıtsııasy kúni qarsańynda Sortırovka kentindegi órtten adamdardy qutqarǵan polıtseılerge syı kórsetildi, dep habarlaıdy QazAqparat tilshisi.
«Mundaı sharalardyń ótkizilýi jas polıtseılerge ónege bolmaq», - deıdi Qaraǵandy qalalyq ishki ister basqarmasy bastyǵynyń orynbasary Aıdar Mahanbetov.
Eske sala keteıik, 2017 jylǵy jeltoqsannyń aıaǵynda jergilikti polıtsııa qyzmeti temirjol polıtsııa bóliminiń ýchaskelik ınspektory, polıtsııa leıtenanty Asyl Jumanov pen polıtsııa aǵa serjanty Tańatov Serjan túngi kezekshilik kezinde Sortırovka kentiniń ústinde býdaqtaǵan qoıý tútindi kórip, jyldam sonda attanǵan. Olar birneshe mınýttyń ishinde bir otbasyn órtten saqtap qalǵan bolatyn.
Polıtseıler munyń erlik emes ekenin, olardyń ornynda ár adam osylaı áreket etetinin aıtady.
Tártip saqshylaryna basshylyqtyń marapatynan bólek, qutqarylǵan otbasy da alǵys aıtyp otyr.
