Qaraǵandyda bir kúnde 24 jol-kólik oqıǵasy tirkeldi
QARAǴANDY. QazAqparat - Qaraǵandy qalasynda aýa raıynyń kúrt nasharlaýyna baılanysty 24 jol-kólik oqıǵasy tirkeldi, dep habarlaıdy QazAqparat tilshisi.
Aýa raıynyń kúrt ózgerýi, kólik júrgizýshilerdiń jol júrý erejelerin saqtamaýy saldarynan 13 naýryz kúni saǵat tańǵy saǵat 8.00 men 19.00 aralyǵynda Qaraǵandy qalasynda 24 jol kólik oqıǵasy tirkeldi. Oqıǵa saldarynan úsh adam ártúrli dene jaraqattaryn aldy.
«Qaraǵandy oblystyq Polıtsııa departamenti kólik júrgizýshilerden kún raıyna baılanysty jyldamdyqty shekten tys asyrmaýlaryn, jol júrý erejelerin qatań saqtaýdy eskertedi», - dep habarlady Qaraǵandy oblysynyń polıtsııa departamentiniń baspasóz qyzmetinen.
