Qaraǵandyda bir aýdannyń halqy elektr jaryǵynsyz qaldy
QARAǴANDY. QazAqparat – Qaraǵandy qalasy Oktıabr aýdanynyń turǵyndary elektr jaryǵynyń óshýine qatysty shaǵymdanýda. Qyzmet kórsetýshi kompanııa bul aýdanda jóndeý jumystary júrgizilip jatqanyn aıtty, dep habarlaıdy QazAqparat.
«Qaraǵandy Jaryq» JShS basshylyǵy «Santehnıkalyq-Jańa Maıqudyq» ÁJ - 35 kV 1, 2-shi tizbeginde naızaǵaıdan qorǵaý trosyn aýystyrý jumystary júrgizilýine baılanysty Qaraǵandy qalasynyń Oktıabr aýdanynda elektr energııasynyń josparly túrde óshirilgenin habarlady.
2019 jylǵa josparlanǵan jóndeý jumystarynyń kestesine sáıkes, 2019 - 2020 jylǵy jylytý maýsymyna daıyndyq júrgizý úshin Qaraǵandy qalasy Oktıabr aýdanynyń (Maıqudyq) tutynýshylaryn turaqty elektrmen jabdyqtaýdy qamtamasyz etý maqsatynda «Santehnıkalyq-Jańa Maıqudyq» ÁJ - 35 kV 1, 2-shi tizbegindegi arqandardy naızaǵaıdan qorǵaýy tıis.
Jóndeý jumystary barysynda qyzmetkerlerdiń qaýipsizdigin qamtamasyz etý úshin «Santehnıkalyq-Jańa Maıqudyq» ÁJ - 35 kV eki tizbegin óshirý qajettigi týyndaǵan. Bul rette: 11 a shaǵyn aýdandar, 12, 13, 14, 15, 16, 17, 18, 19; 1, 2 Chapaev kóshesi; Vınnıtskaıa kóshesi; «Ýmaı» dúkeni; 5451 áskerı bólimi elektr jaryǵynan ajyratylady. Qalyń kópshilikke yńǵaısyzdyǵyn tómendetý úshin elektr jaryǵy 2019 jyldyń 29 shildesinen 2 tamyzyna deıin túngi ýaqytta 24:00-den tańǵy 07:00-ge deıin óshiriledi. Táýliktiń kúndizgi ýaqytynda elektrmen qamtamasyz etý qalypty jaǵdaıda bolady», - dep habarlady «Qaraǵandy Jaryq» JShS baspasóz qyzmeti.
Ótkiziletin is-sharalar aldaǵy jylytý maýsymy kezinde tutynýshylardy elektrmen jabdyqtaýdyń senimdiligi men sapasyn jaqsartýǵa múmkindik beredi jáne tehnologııalyq aqaýlar men apattyq jaǵdaılardyń týyndaý yqtımaldyǵyn tómendetedi.
