Qaraǵandyda bilimniń sandyq júıesine kóshý máseleleri talqylandy
Atalmysh shara 30-shy naýryzda ashylý saltanaty ótetin IV halyqaralyq «RoboLand 2018» festıvali qarsańynda uıymdastyryldy. Talqylaýǵa QR Bilim jáne ǵylym mınıstrliginiń, oblystyq bilim basqarmasynyń ókilderi, ustazdar qatysty. Dóńgelek ústeldi Qaraǵandy oblysynyń bilim basqarmasy uıymdastyrdy.
«Sandyq júıege kóshý, tehnologııalardy, robototehnıkany, onyń qatarynda bilim berý robototehnıkasyn damytý ásirese Elbasy belgilegen bes áleýmettik bastamany júzege asyrý barysynda úlken mańyzǵa ıe. Osymen tórtinshi ret ótkizilip otyrǵan «RoboLand» festıvali tek Qaraǵandy oblysy úshin ǵana emes, búkil elimiz úshin úken oqıǵa», - dep atap ótti óz sózinde QR Bilim jáne ǵylym mınıstrlliginiń Respýblıkalyq qosymsha bilim berý oqý-ádistemelik ortalyǵynyń dırektory Raısa Sher.
Onyń aıtýynsha, bilim berý robototehnıkasy erekshe ózekti pedagogıkalyq tehnologııany usynady.
«Biz úshin ol jańa, degenmen bir mezgilde balalar men jasóspirimderdiń ǵylymı-tehnıkalyq shyǵarmashylyǵyn damytýdaǵy áleýetti baǵyt. Bul bilim berýdiń ınnovatsııalyq tehnologııalary bilimdi biriktirip, ártúrli jastaǵy balalardy birlesken iskerlikke jumyldyrýǵa múmkindik beredi. Eń bastysy, bilim berý robototehnıkasy jastar arasynda ınjenerlik mamandyqtardyń bedelin arttyrady Dóńgelek ústelge qatysýshylar balabaqshadan bastap bilim salasynda sandyq tehnologııalardy qoldaný máseleleriniń ózektiligin talqylady. Mysaly, jýyrda ashylǵan «Odareshka» jekemenshik balabaqshasynda robototehnıka kabıneti bar, onda balalar qurastyrýmen aınalysady», - dep atap ótti Raısa Sher.
Balabaqsha ókilderiniń aıtýynsha, balalar men ata-analar úshin robototehnıka unaıdy. 30-shy naýryzda Roboland-2018 festıvalinde alǵash ret balabaqsha tálimgerleri saıysqa túsedi.
«Premer-mınıstrdiń orynbasarynyń tapsyrmasy boıynsha 2-shi naýryzda Bilim jáne ǵylym mınıstrliginde robototehnıkany damytý máseleleri boıynsha respýblıkalyq úılestirý keńesi qurylǵan bolatyn», - dep málimdedi Raısa Sher.
QR Bilim jáne ǵylym vıtse-mınıstri Ashat Aımaǵambetov basqarǵan úılestirý keńesiniń quramyna 40 adam enedi. Olardyń qatarynda - memlekettik organdardyń, úkimettik emes uıymdardyń ókilderi, ata-analar qoǵamy men ǵalymdar bar. Sonymen qatar Úkimettiń tapsyrmasy boıynsha 2018-shi jyly robototehnıka boıynsha halyqaralyq, respýblıkalyq jáne aımaqtyq saıystar ótkizý boıynsha Jol kartasy qurylyp bekitilgen.
